ಸಿದ್ಧ ಸಮಾಧಿ ಯೋಗ (SSY)

ಸಿದ್ಧ ಸಮಾಧಿ ಯೋಗದ ಬಗ್ಗೆ

ಜೈ ಗುರುದೇವ

ಯೋಗ ಬ್ರಹ್ಮ ಋಷಿ ಪ್ರಭಾಕರ ಗುರೂಜಿಯವರು ತಮ್ಮ ಇಂಜಿನಿಯರಿಂಗ ಪದವಿಯನ್ನು ಬೆಂಗಳೂರಿನಲ್ಲಿ ಪಡೆದುಕೊಂಡು, ತಮ್ಮ ಉನ್ನತ ವ್ಯಾಸಂಗವನ್ನು ಕೆನಡಾ ದೇಶದ ಒಟ್ಟಾವಾ ವಿಶ್ವವಿದ್ಯಾಲಯದಲ್ಲಿ ಎಮ್ ಇ ಪದವಿಯನ್ನು ಎರೋನಾಟೆಕಲ್ ಇಂಜಿನಿಯರಿಂಗನಲ್ಲಿ ಪಡೆದುಕೊಂಡರು. ನಂತರ ಆಡಳೀತ ಶಾಸ್ತ್ರದಲ್ಲಿ (ಎಮ್.ಬಿ.ಎ) ಪದವಿಯನ್ನು ವೇಸ್ಟರ್ನ ಒಂಟಾರಿಯೊ ಯುನಿವರ್ಸಿಟಿಯಲ್ಲಿ ಪಡೆದುಕೊಂಡರು. ಅಲ್ಲಿಯೇ ಆ ದೇಶದ ನಾಗರಿಕರಾಗಿ ಒಟ್ಟಾವಾ ನಗರದಲ್ಲಿ ಈ ವಿಷಯಗಳ ಪರಿಣಿತ ಸಲಹೆಗಾರರಾಗಿ ವೃತ್ತಿಯನ್ನು ಮಾಡಿಕೊಂಡಿದ್ದರು. ಆಗಲಿ ಅವರಿಗೆ ಭಾರತೀಯ ಆತ್ಮ ಜ್ಞಾನದ ಪರಂಪರೆಯತ್ತ ಗಮನ ಹರಿದಿದ್ದು, 1975 ರ ಸುಮಾರಿಗೆ ಭಾರತಕ್ಕೆ ಮರಳಿ ಬಂದು ಪ್ರಾಚೀನ ಯೋಗ ಹಾಗೂ ಧ್ಯಾನ ಪದ್ಧತಿಯನ್ನು ಅಭ್ಯಸಿಸಿದರು. ಸಿದ್ಧ ಧ್ಯಾನಿಗಳ ಸಾನಿಧ್ಯ ಪಡೆದು, ವೇದಾಂತ ಉಪನಿಷತ್ತುಗಳನ್ನು ಓದಿ, ಮಹಾತ್ಮರ ಗೃಂಥಗಳನ್ನು, ಜೀವನ ದರ್ಶನಗಳನ್ನು ಪರಿಚಯಿಸಿಕೊಂಡು ಒಂದು ರೀತಿಯಲ್ಲಿ ಸಂಶೋಧನೆಯನ್ನು ನಡೆಸಿದರು. ಯೋಗ ಬೃಹ್ಮ ಋಷಿ ಪ್ರಭಾಕರ ಗುರೂಜಿಯವರು ಧ್ಯಾನ ಯೋಗದಲ್ಲಿ ಹೊಸ ಅವಿಷ್ಕಾರವನ್ನೇ ಮಾಡಿದರು, ಅದುವೇ “ಸಿದ್ಧ ಸಮಾಧಿ ಯೋಗ” ಮಕ್ಕಳಿಂದ ವೃದ್ಧರ ವರೆಗೆ, ಪಾಮರರಿಂದ ಪಂಡೀತರವರೆಗೆ, ಅಶಕ್ತರಿಂದ ಶಕ್ತರವರೆಗೆ ಎಲ್ಲರೂ ಈ ಯೋಗವನ್ನು ಅನುಸರಿಸಬಹುದು. ಇದರ ನಿತ್ಯ ಅನುಸಂಧಾನದಿಂದ ಜೀವನದ ಎಲ್ಲ ರಂಗದಲ್ಲೂ ಪರಿಪೂರ್ಣತೆ ಸಾಧ್ಯ ಸಿದ್ಧ ಸಮಾಧಿ ಯೋಗವು ಮುಖ್ಯವಾಗಿ ವ್ಯಕ್ತಿಯಲ್ಲಿ ಆತ್ಮ ವಿಶ್ವಾಸವನ್ನು ಮನುರುಜ್ಜಿವನಗೊಳಿಸುತ್ತದೆ, ಅವನಲ್ಲಿ ಇದುವರೆಗೆ ಅಗೋಚರವಾಗಿದ್ದ ಮಹಾಶಕ್ತಿಯನ್ನು ಉದ್ದೀಪನಗೊಳಿಸುತ್ತದೆ, ಜಗತ್ತಿನ ಆಗು ಹೋಗುಗಳಿಗೆ ತಾನೂ ಜವಾಬ್ದಾರ ಎನ್ನುವ ಪ್ರಜ್ಞೆಯನ್ನು ಮೂಡಿಸಿ ಅವನ ನಡೆ ನುಡಿಯಲ್ಲಿ ಸಂಯಮ ಹಾಗೂ ಹೊಣೆಗಾರಿಕೆಯನ್ನು ತರುತ್ತದೆ. ಸಿದ್ಧ ಸಮಾಧಿ ಯೋಗವು ಎರಡು ವಿಭಾಗಗಳನ್ನು ಒಳಗೋಡಿದೆ, 1. ಪ್ರಾಣಾಯಾಮ, 2, ಧ್ಯಾನ. ಸುಮಾರು 30 ನಿಮಿಷಗಳ ಪ್ರಾಣಾಯಾಮವು ದೈಹಿಕ ಸ್ವಾಸ್ಥ್ಯವನ್ನು ರೂಪಿಸಿದರೆ, ಸುಮಾರು 15 ನಿಮಿಷಗಳ ಧ್ಯಾನವು ಮಾನಸಿಕ ಸ್ವಾಸ್ಥ್ಯವನ್ನು ರೂಪಿಸುತ್ತದೆ. ದಿನಕ್ಕೆ 3 ತಾಸುಗಳಂತೆ 15 ದಿನಗಳ ಕಾಲ ಋಷಿ ಸಂಸ್ಕೃತಿ ವಿದ್ಯಾ ಕೇಂದ್ರದ ಸಾಧಕರು ಇವುಗಳ ತರಬೇತಿ ನೀಡುವರು. ಋಷಿ ಪ್ರಭಾಕರ ಗುರೂಜಿಯವರು “ತಮ್ಮ ಜೀವನದ ಕೊನೆವರೆಗೆ ಸಿದ್ಧ ಸಮಾಧಿ ಯೋಗ ಜ್ಞಾನದ ಪ್ರಸಾರವನ್ನು ಮಾಡಿದರು. ಭಾರತದ ಎಲ್ಲ ರಾಜ್ಯಗಳಲ್ಲಿ ಮತ್ತು ವಿದೇಶಗಳಲ್ಲಿ ಋಷಿ ಸಂಸ್ಕೃತಿ ವಿದ್ಯಾ ಕೇಂದ್ರದ ಶಾಖೆಗಳು ಸೇವೆ ಮಾಡುತ್ತವೆ.

ಜೈ ಗುರುದೇವ

ಶ್ರೀ ಗುರುವಾಣಿ

ನಿಜವಾದ ಅರ್ಥದಲ್ಲಿ ಭಕ್ತಿ, ಶರಣಾಗತಿ ಎಂದರೆ ಏನು ?
ಎಲ್ಲವೂ ಸರಿ ಎಂದು ಅರಿಯುವುದು ನಿಜವಾದ ಶರಣಾಗತಿ ಅಲ್ಲವೇ ?
ದೇವರು ಎಲ್ಲೆಡೆ ಇದ್ದಾನೆ, ಎಲ್ಲವನ್ನೂ ಅವನು ನೋಡಿಕೊಳ್ಳುತ್ತಿದ್ದಾನೆ ಎಂದು ಅರಿಯುವುದು ನಿಜವಾದ ಭಕ್ತಿ,
ಎಲ್ಲವನ್ನೂ ದೇವರು ಸರಿಯಾಗಿಟ್ಟಿದ್ದಾನೆ ಎಂದು ತಿಳಿಯುವುದು ನಿಜವಾದ ಭಕ್ತಿ.
“ಎಲ್ಲವೂ ಸರಿ" ಎಂದು ತಿಳಿಯುವುದು ದೇವರಿಗೆ ನಾವು ತೋರಿಸಬಹುದಾದ ಅತಿ ದೊಡ್ಡ ಗೌರವ.
ಇದನ್ನು ಅರಿತು ಜೀವಿಸಿದಾಗ ನಿಮ್ಮ ಜೀವನದಲ್ಲಿ ಪವಾಡಗಳು ಜರುಗಲು ಪ್ರಾರಂಭವಾಗುತ್ತವೆ.

ನಮ್ಮ ಕಾರ್ಯಕ್ರಮಗಳು

SSY ಮೂಲ ಕೋರ್ಸ್

ಪ್ರಾಣಿಕ ಶ್ವಾಸೋಚ್ಛ್ವಾಸ, ಸಮಾಧಿ ಧ್ಯಾನ ಮತ್ತು ಸಾತ್ವಿಕ ಆಹಾರದ ಮೂಲಕ ಆರೋಗ್ಯವಂತ ಜೀವನಕ್ಕಾಗಿ ಮೂಲಭೂತ ತರಬೇತಿ.

ಆಡ್ವಾನ್ಸ್ ಮೆಡಿಟೇಶನ್ ಕೋರ್ಸ್ (AMC)

ಧ್ಯಾನ ಅಭ್ಯಾಸವನ್ನು ಆಳಗೊಳಿಸಲು ಮತ್ತು ಆಂತರಿಕ ಶಾಂತಿ ಗಳಿಸಲು ಐದು ದಿನಗಳ ತೀವ್ರ ತರಬೇತಿ.

ಭವ ಸಮಾಧಿ ತರಬೇತಿ (BST)

ಭಾವನೆಗಳನ್ನು ಅಲಿಂಗಿಸುವ, ಸತ್ಯವನ್ನು ಅರಿಯುವ ಮತ್ತು ಅನುಭವದ ಮೂಲಕ ಚಿಂತನೆಗೆ ಹೊಸ ದೃಷ್ಟಿಕೋನ ನೀಡುವ ಕಾರ್ಯಕ್ರಮ.

ಇನ್ಫಂಟ್ ಸಿದ್ಧ ಕಾರ್ಯಕ್ರಮ (ISP)

ಹೋಲಿಸ್ಟಿಕ್ ಬೆಳವಣಿಗೆಗಾಗಿ ಪೋಷಕರು ಮತ್ತು ಪಾಲಕರಿಗೆ ಬೋಧನಾ ತಂತ್ರಗಳನ್ನು ಕಲಿಸುವ ತರಬೇತಿ.

ಶಿಕ್ಷಕರ ತರಬೇತಿ ಕೋರ್ಸ್ (TTC)

SSY ಶಿಕ್ಷಕರಾಗಿ ತರಬೇತಿಯನ್ನು ಪಡೆದು SSY ದರ್ಶನವನ್ನು ಜಗತ್ತಿನಾದ್ಯಾಂತ ಹರಡುವ ಕೋರ್ಸ್.

ಗುರುಜಿಯ ಸ್ಮರಣೀಯ ಕ್ಷಣಗಳು

ಗುರುಪೂಜೆ

ಗುರುಜಿಯ ಪ್ರವಚನ ಸಂದರ್ಭದಲ್ಲಿ

ಧ್ಯಾನದ ಸಮಯದಲ್ಲಿ ಗುರುಜಿ

ಶಿಬಿರದ ದರ್ಶನ

ಋಷಿ ಪ್ರಭಾಕರ್ ಅವರು ತಮ್ಮ ತಾಯಿ ರಾಮಾದೇವಿ ಅಮ್ಮ ಜೊತೆ

ಗುರುಜಿ ಋಷಿ ಪ್ರಭಾಕರ್

ಪಂಚಕೋಷಗಳು

ಅನ್ನಮಯ ಕೋಶ

ಎಲ್ಲಾ ಹಂತದ ಕಲ್ಮಶಗಳು ಕೊನೆಗೆ ದೇಹದ ಮಟ್ಟದಲ್ಲಿ ಕಾಯಿಲೆಗಳ ರೂಪದಲ್ಲಿ ಕಾಣಿಸಿಕೊಳ್ಳುತ್ತವೆ.

ಪ್ರಾಣಮಯ ಕೋಶ

ಜೀವನದ ಸಹಜ ಸ್ಫೂರ್ತಿಯ ದ್ರವ್ಯ, ಇದು ಇಲ್ಲದಿದ್ದರೆ ಕಾಯಿಲೆಯ ಅನುಭವ, ಯಾವುದೇ ಕಾಯಿಲೆ ಮೊದಲು ಪ್ರಾಣಮಯ ಕೋಶದಲ್ಲಿ ವ್ಯಕ್ತವಾಗುತ್ತದೆ.

ಮನೋಮಯ ಕೋಶ

ಎಲ್ಲವೂ ಯೋಚನೆಗಳ ಪರಿಣಾಮವೇ. ನಾವು ಏನು ಯೋಚಿಸುತ್ತೇವೆಯೋ ಅದೇ ಆಗುತ್ತದೆ.

ವಿಜ್ಞಾನಮಯ ಕೋಶ

ಇದು ಮನಸ್ಸಿಗಿಂತ ಸೂಕ್ಷ್ಮವಾದುದು. ಇದು ನಮ್ಮನ್ನು ಸಬಲೀಕರಿಸುವ ಅಂಶಗಳನ್ನು ತಿಳಿಯುವ ಆಯಾಮ. ನಿಜವಾದ ಸತ್ಯದ ಗ್ರಹಿಕೆ. ಬಹಳಷ್ಟು ಮಂದಿ ತಮಗರಿವಿಲ್ಲದೆಯೇ ತಪ್ಪು ಜ್ಞಾನದಿಂದ ಜೀವಿಸುತ್ತಾ ತಮ್ಮನ್ನು ಹಾಗೂ ಇತರರನ್ನು ಬಂಧಿಗಳನ್ನಾಗಿಸಿಕೊಳ್ಳುತ್ತಾರೆ. ಉಳಿದ ಕೆಳಕೋಶಗಳನ್ನು ಈ ಕೋಶ ನಿಯಂತ್ರಿಸುತ್ತದೆ, ನಿಜವಾದ ಜ್ಞಾನದ ಅರಿವು ಅತ್ಯವಶ್ಯಕ.